చివరలో ఉన్న చిత్రం/ వీడియో/ ఆడియో మరువద్దు. 1 min read time.

మన హైందవ ధర్మములో గోమాతకు ఎంతో ప్రాముఖ్యము ఉంది, దేవత గా పూజిస్తాము, కడుపునిండా ఆహారము పెడతాము ఎక్కడ కనపడినా మొక్కుతాము, ప్రేమ గా నిమురుతాము.

అంతే కాదు, ఏ మనసున్న రైతుని అడిగినా, గోవు మా ఇంట్లో ఒక మనిషే అంటారు. కేవలం గడ్డి తిని, కుడితి నీరు తాగి, మనకు ఎంతో మేలు చేస్తున్నది.

ఎందుకంటే, తినడానికి మెతుకులు ఇచ్చే పొలము దున్నినా, కడుపుకు నిండా కమ్మని పాలు పెరుగు వెన్న ఇచ్చినా తన బిడ్డలకు కాదని, పప్పు లోకి నెయ్యి, పొయ్యి లోకి పిడకలు, ఇల్లు అలకడానికి అలాగే పొలములో ఎరువుకు పేడ అన్ని కూడా, ఆ గోమాత తల్లి దీవెన మాత్రమే.

కొత్త ఇల్లు కట్టినా, గోవును ముందు తిప్పమంటారు శుభము కోసము. దేవతలు గోవులో కొలువై ఉంటారు అని హైందవుల నమ్మకము.

గోమాత విలువ ఏమిటో, ఈ పాటలో స్పష్టము గా వివరించారు. అంతర్లీనము గా, మన కోసము ఇన్నాళ్ళు చెమట రక్తము చిందించిన పెద్దలను, అలాగే మనము క్రుతఘ్నత తో విడచిన ముదుసలి తల్లి దండ్రుల బాధను కూడా, తెలియ చెప్పారు. ఇన్నాళ్ళు మీ కోసం పాటు పడితే, వయసుడిగిన నాడు కటిక వాని (ఒంటరిగా, లేదా బంధువులతో లేదా ఆశ్రమములో తక్కువ సౌకర్యాలు తో) పాలు చేస్తారా అని నిలదీశారు.

ఆఖరికి ప్రాణము పోయిన తర్వాత కూడా, మీకే చెప్పులుగా, దరువుకు డోలు గా, తల జుట్టు కు దువ్వెనగా నేను ఉపయోగపడుతున్నాను అని గోమాత తన బాధను విలువను ఎంతో ఆర్తిగా చెప్పిన ఈ పాటను కూడా, మీరూ మనసుతో పాడి క్రుతజ్ఞతలు తెలియచేస్తారు కదూ.

ఓ...ఓ...ఓ...ఒ...ఒ...
వినరా వినరా నరుడా...తెలుసుకోర పామరుడా ... 2
గోమాతను నేనేరా ...నాతో సరిపోలవురా ||వినరా వినరా||
చరణం 1:
కల్లాకపటం యెరుగని గంగీగోవును నేనూ
ఏది చెప్పినా కాదని ఎదురు చెప్పలేను
పారేసిన గడ్డి తినీ బ్రతుకు గడుపుతున్నాను 2
పరుల సేవకే సర్వం, త్యాగం చేస్తున్నాను.. ||వినరా వినరా||
చరణం 2:
కమ్మనైన గుమ్మపాలు కడవలతో ఇస్తున్నా...
నా దూడల కాదని మీ కడుపులు నిండిస్తున్నా
వయసుడిగిననాడు నన్ను కటికివాని పాల్చేస్తే 2
ఉసురు గోలుపోయి మీకే, ఉపయేగిస్తున్నాను ||వినరా వినరా||
చరణం 3:
నా బిడ్డలు భూమిచీల్చి దుక్కి దున్నుతున్నవోయ్...
నా యెరువున పైరు పెరిగి పంట పండుతున్నదోయ్..
నా చర్మమె మీ కాలికి చెప్పులుగా మారునోయ్... 2
నా ఒళ్ళె ఢంకాలకు నాదము పుట్టించునోయ్... ||వినరా వినరా||
చరణం 4:
నా కొమ్ములే దువ్వెనలై మీ తల చిక్కులలు తీర్చు
నే కల్పించిన విభూతి, మీ నొసటను రాణించు
నా రాకయే మీ ఇంట్లో, శుభములెన్నో కలిగించు 2
నా చేయూతయే చివరకు వైతరణిని దాటించు ||వినరా వినరా||

వినరా వినరా నరుడా గోమాతను నేనేరా| గోవుల గోపన్న | అక్కినేని| భారతి | రాజశ్రీ
Vinara Vinara Naruda Gomatanu Nenera | GOVULA GOPANNA Akkineni Bharti Rajshree   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.