చివరలో ఉన్న చిత్రం/ వీడియో/ ఆడియో మరువద్దు. 1 min read time.

మొత్తానికి సోషల్ మీడియా బాధ పడలేక, విధిలేని పరిస్తితుల్లో, గాయని శ్రావణ భార్గవి వీడియో తీయకుండానే, కేవలం బాక్ గ్రౌండ్ సంగీతం మార్చేసారు. అంత మాత్రముతో తప్పు ఒప్పు అయిపోదు సుమీ.

తాను, వీడియో ఇంకోటి పెట్టి, భక్తులకు, స్వామికి, అన్నమయ్యకు, అన్నమయ్య వంశీకులకు క్షమాపణ చెప్పాలి. చెప్పినా కూడా, పశ్చాత్తాపం కింద, కొంత భాగమే తనకు పాపం తగ్గుతుంది. ఎందుకంటే, అన్నమయ్య వంశీకులతో, ఆమె టీవీ లైవ్ లో మాట్లాడిన తీరు, ఇంకా 2 వ పెద్ద తప్పు, ఆక్షేపణీయం.

ఒక తప్పును సరి చేసుకోవడానికి, మరలా ఇంకో 10 తప్పులు చేయడం అంటే ఇదే సుమా. అడుసు తొక్కనేల కాలు కడగనేలా?

అందుకే ఇలాంటి, మోహములో ఐశ్వర్యములో అధికారములో అరిషడ్వర్గాల బానిసత్వములో ఉన్న వారికి, మనలాగా ఉన్నది ఉన్నట్లుగా కఠినముగా, బుద్ది చెప్పే వారు అందుబాటులో ఒకరు ఉండాలి. వారి పరువు బయట పోకుండా, మనమే కాపాడ గలము.

మనము ఇంట్లో చాటుగా చెపితే, మరలా వీరిలో కొందరు, మమ్మల్ని అవమానిస్తున్నారు, తక్కువ గా చూస్తున్నారు అని ఇంకో గొడవ, తమ తప్పు ఒప్పుకోలేక. మనము చాటుగా తిడితే, ఎంత మందికి తెలుసు, ఎంతమంది ముందు పరువు పోయింది? ఇప్పుడు, వారి సంస్కారం సాంప్రదాయం, ప్రపంచం మొత్తము తెలుగు వారు చూసారు. ఇప్పుడు, మనము మాత్రం, దానిని తుడపగలమా?

మన పాట వీడియోతో ఉన్నప్పుడు జాగ్రత్తలు సుమా, గొంతులో మనిషిలో హావభావాలు లో, భక్తి మర్యాద గౌరవం ఉండాలి. ఇది ఒక భక్తుడు తన్మయత్వములో, ఆ దేవ దేవుని కి పాడిన పాట అని, మరువద్దు. దేవుని గురించి శ్రుంగారము చెప్పారు అని, మనము కూడా, అలాగే పాడకూడదు, భక్తి మర్యాద గౌరవం సంస్కారం, ఇవి తగ్గకూడదు.

సినిమాలలో, సంస్కారం నీతి నిబద్దత తల్లి తండ్రి యందు గౌరవం లేని, నల్ల బజారు చాటు వ్యాపారం తో బతికే వారు, తమ సొంత ఇంటి అక్క చెల్లి కూతురు పిన్ని పెద్దమ్మ అత్త అంటే గౌరవం లేని వారు, వారిని కూడా హీనముగా చూసే వారు, అలా తప్పుగా పాడారు చేసారు చూపారు అన్నది, మనకు ఉదాహరణ కాకూడదు.

హీరోయిన్ లు, జాన బెత్తు చినిగిన బట్టలు వేసారు అని, క్లబ్ లో అసభ్యముగా పాడారు అని, ఇళ్ళ మీదకు తగువుకు పోయారు అని, ఇంట్లో వారిని కొట్టారు అని, మన ఇంట్లో వారు కూడా అలా వేస్తారా, చేస్తారా? అలా చేస్తే అలా వేస్తే, అది మీ మా ఖర్మ, అందరూ అలా ఉండలేరు కదా? మన దిగజారుడు కధ, అందరికీ ఎందుకు చూపాలి, విలువ ఎందుకు పోగొట్టుకోవాలి?

ఒకరుకి, మనము చెత్త వేయొద్దు అన్నాము అని, వారు కోపముతో 10 మంది మీ మామయ్య ఖాళీ స్థలములో చెత్త పోయంగ లేనిది, మేము పోస్తే తప్పా అని అడిగారు, ఒక చదువు సంస్కారం ధనం పలుకుబడి, అన్ని ఉన్న పెద్ద కుటుంబం వారు.

ఏమండీ, మనము సంస్కార హీనులతో పోల్చుకుంటామా? లేక మంచివారితోనా అనేసరికి, మొఖము ఎర్రబడింది. మనకు దైవత్వం అండ కావాలా, రాక్షసుల అండనా? సినిమాలో చెడుతో పోల్చుకునే హీన స్థితికి మనము దిగజారాలా?

అందుకే చదువు ఐశ్వర్యం హోదా వేరు, సంస్కారం వేరు అనేది. గుడి కి వెళ్ళి పూజలు చేసేవారు కూడా, తమ ముదుసలి తల్లి దండ్రిని ఒంటరిగా వదులుతారు. బాబాయి భక్తులు, సొంత తండ్రి కి పూజ లేకుండా, పరాయి బాబాయికి మూర్ఖత్వముతో వ్రుధా నటన వ్యర్ధ పూజలు చేస్తారు. ఆఖరికి వాళ్ళ పిల్లలు కూడా, వారి మాట వినరు, వారిని ముదుసలి వయసులో చూడరు. వారితో మనకు పోలికనా?

100 కి 75 మంది, మందు, మత్తు, క్లబ్, తిరగడం, కోక్, పెప్సి, ఫాస్ట్ ఫుడ్, పిజ్జాలు, బయట తిండి, తిన్నారు అని, అదే గొప్ప అని అంటే, అరిషడ్వర్గాల బానిసలు అవ్వాలని, ఆసుపత్రులు నింపాలని, కుటుంబాన్ని వదిలి పోవాలని, బయట వ్యాపారం పెంచాలని వారి ఉద్దేశ్యం కావొచ్చు.

అది అందరికీ మంచిది అవుతుందా? ధర్మానికి/ ఆరోగ్యానికి/ ఆధ్యాత్మికతకు ప్రామాణికమా? వారు మరియు వారి పిల్లలు, ఆ తర్వాత ఎన్ని కష్టాలు నష్టాలు అవమానాలు రోగాలు పొందారో, మనకు తెలీదు కదా. ఆ సినిమాలలో నటించిన, హీరోల హీరోయిన్ల మరియు వారి పిల్లల మానసిక పరిస్థితి చూస్తున్నాము కదా?

మనము గాయకులము కాకపోయినా, మన రాగములో పదాలలో కొన్ని తప్పులు ఉండవచ్చు, మనది ప్రయత్నం కిందకు వస్తుంది. ఎవరైనా ఆక్షేపిస్తే, తప్పక క్షమాపణ చెప్పాలి. ఆ పదాన్ని సరి చేసుకోవాలి. రాగం అందరికీ రాకపోవచ్చు. పిల్లలు తప్పులు తో రాగం తప్పి పాటపాడినా, ఆ దైవ తల్లి తండ్రి క్షమిస్తారు, నవ్వుకుంటారు. కానీ ఆ పాట ప్రయత్నములో, భక్తి గౌరవం మర్యాద ఉండాలి సుమా.

ఎప్పుడూ రాక్షసులతో, అరిషడ్వర్గాల బానిసలతో, మానసిక బలహీన బాబాయి అనుచరులతో పోల్చుకోవద్దు, పతనము కావద్దు. మన కన్నా సంస్కారం, సజీవ గురువు సేవ, నీతి నియమాలు ఉన్న వారితో పోల్చుకుని, మనలో కూడా మానసిక బలం పెంచుకుందాము, రాబోయే కష్టాలను కన్నీళ్ళను తగ్గించుకుందాము సుమా. మోహపు కళ్ళజోడు తీసి మాయకు ఇవతల నిలబడితేనే ఇవన్నీ అర్ధము అవుతాయి, లేదంటే ఇవన్నీ పిచ్చి మాటలు.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.