APLatestNews.com top Banner
         
భాగం 4 : బాబా శోధన - లోకం తీరు
OurTripVideos - Visiting Places/Local Events Pictures and Videos. We visit, We record, We present, You Enjoy!
           
     
మిగతా లోకం తీరు కూడా చదివితే మీ సందేహాలకు జవాబులు లభిస్తాయి. నచ్చితే షేర్ చేయగలరు.
బాబా : సరే రా అబ్బాయి, తెలుగు గురువులు వేమన, బ్రహ్మం గారు తెలుసా? వారి పద్యాలు కాలజ్ఞానం విన్నావా?

బాబా అంటూ కన్నీళ్ళతో ఆయన కాళ్ళ మీద పడ్డాను.

బాబా : లే, వదలరా, ప్రతి వాడు వచ్చి, నా పాదాలు పట్టుకోవడం ఫాషన్ అయ్యింది. ఏడుపు ఎందుకు, తప్పు ఏమన్నాను.

నేను : వేమన, బ్రహ్మం గారి పేర్లు వింటే ఆనందభాష్పాలు స్వామీ. ఏది జరిగినా, వారి మాటలను తలుచుకుంటాము, మేము కొంతమందిమి. మా వాళ్ళు , ఎప్పుడో మరచిపోయారు, ఈతరం వాళ్ళకి అసలు తెలీదేమో. పొరుగింటి పుల్లకూర రుచి అని, మేము బాగా నమ్ముతాము.

ఇంకోటి స్వామి, చిన్న గా అనండి వారి పేర్లు. మా వాళ్ళు విన్నారంటే, వాళ్ళు ఏ బెంగాలీ అనో లేదా ఏ మరాఠీ అనో, కొత్త వ్యాపారం మంచి గా ఉంటుంది అని, కొత్త గుడులు కట్టేస్తారు వెంటనే ఇండియాలో మరియు అమెరికాలో కూడా.

బాబా : నిజమేరా, మహానుభావులు అంత మంది ఉంటే మీ తెలుగు రాష్ట్రాలలో, ఎక్కడో ఉన్న మరాఠా(మహారాష్ట్ర) రాష్ట్రం లో ఉన్న నా వెంటపడి, నాకు నిద్ర లేకుండా చేస్తున్నారు.

ఇంట్లో తల్లిని గౌరవించకుండా, ఎక్కడో ఉన్న పిన్నిని గౌరవిస్తారు ఏమిటి. ఇద్దరు తల్లులూ ఒకటే గదా? గురువులు అంతే కదా?

మీ తెలుగు వాళ్ళు మరీ ఇలా ఉంటే ఎలారా. మరాఠా రాష్ట్రం కన్నా, మీ తెలుగు రాష్ట్రాలలో నా మందిరాలు ఎక్కువ ఉన్నాయి.

మిమ్మల్ని చూసి, నేనొకడిని ఉన్నాను అని తెలుసుకొని మరాఠా నుంచి ఉత్తర దేశం నుంచి మిగతా వాళ్ళు వస్తున్నారు, షిర్డి మొత్తము వ్యాపారమయం అయిపొయింది.

నేను : అంతే కాదు స్వామి, మేము మంచి వ్యాపారం దొరికితే ఊరుకోము. అమెరికా , దుబయ్ లలో కూడా మీ గుడులు కట్టేసాము. అమెరికాలో అయితే మరీ ఘోరము, బజార్ లు , సెంటర్ లు, షాపింగ్ మాల్ ల దగ్గర కూడా పెట్టేశాము షాప్ అద్దెకు తీసుకొని.

ఇండియాలో ప్రభుత్వము, మమ్మల్ని లెక్కలు అడగదు. వచ్చిన దాంట్లో కొంచెం భక్తులకు పంచితే చాలు, వాళ్ళు సంతోషం, అబ్బో ఎన్నో కార్యక్రమాలు, భోజనాలు అని. మిగతా ఏమైంది, మొత్తం ఎంతొచ్చింది అని అడిగే వాడు లేడు.

మొన్న ఎక్కడో పేపెర్ లో చూసాను స్వామీ, భాగ్యనగరం లో ఎదో బాబా మందిరంలో ఇద్దరు ధర్మ కర్తలు డబ్బు విషయంలో రోడ్ మీద కుస్తీ కి దిగారంటా. నువ్వు ఎక్కువ తింటున్నావు అంటే, గతంలో ఇంతకన్నా నువ్వు ఎక్కువ తినలేదా అని. మా చిన్న ఊర్లో కూడా, నాలుగు దిక్కులా , నాలుగు మందిరాలు వచ్చాయి.

బాబా : తెలుగు గురువులు ఎందరో ఉన్నారు, దేవుళ్ళు తిరుపతి వెంకన్న, బెజవాడ దుర్గమ్మ ఇంతమంది ఉన్నా, మీరు ఇంటివాళ్ళని వదిలి నాకు గుర్తింపు తెచ్చారు అంటే, మిమ్మల్ని ఏమి అనాలో తెలియడం లేదు.

నేను : అంతే స్వామీ, కోపము వద్దు. మమ్మల్ని క్షమించాలి. గురువు కన్నా వ్యాపారం ముఖ్యం స్వామి, మా తెలుగు వాళ్ళకు.

శ్రద్ధా, భక్తి, జ్ఞానం, ధ్యానం ఉంటే ఏ గురువైనా ఒకటే. అవిలేనప్పుడు, ఏ గురువైనా నిష్ప్రయోజనమే.

భాగం 4 : బాబా శోధన - Pic 2

భాగం 4 : బాబా శోధన - Pic 3

Dt : 09-Mar-2019, Upd Dt : 10-Apr-2019 , Category : Devotional, Views : 143 ( id : 57 )
Tags : baba , vemana , braham garu
గమనిక : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు.

Facebook Comments