1 min read time.

వేమన గారి తెలుగు పద్యం, దాని భావం కూడా ఉంది, ఆస్వాదించండి. ఇంతకన్నా వేద అర్థం, గీతాసారం, ఆధ్యాత్మిక మార్గం ఏమి కావాలి స్పందించే మనసు కు?

1. మనసులోనే పుట్టే మాయసంసారము,
మనసు విరిగెనేని మాయ తొలగు
మనసు నిల్పెనేని మహి తానే బ్రహ్మము,
విశ్వదాభిరామ వినురవేమ.

భావం - మనసునుంచే సంసారపు మాయ పుడుతుంది. మనసు విరిగి పోతే మాయ తొలగిపోతుంది. మనసు నిశ్చలముగా పెట్టుకొన్న వాడే బ్రహ్మం.

2. మనసులోని ముక్తి మరియొక చోటను,
వెదుక బోవువాడు వెర్రివాడు
గొర్రె చంకబెట్టి గొల్ల వెదికినట్లు,
విశ్వదాభిరామ వినురవేమ.

భావం - గొర్రెపిల్లను చంకలో పెట్టుకొని గొల్లవాడు వెతికినట్లు మోక్షం కోసం వెర్రి వాని వలె మనసుకు ఆవల వెదుకుతున్నాడు.

3. బ్రహ్మ మనగ వేరే పర దేశమున లేదు,
బ్రహ్మ మనగ తానె బట్ట బయలు
తన్ను తానెరిగిన తానె పో బ్రహ్మoబు,
విశ్వదాభిరామ వినురవేమ

భావం - బ్రహ్మ పదార్ధం మరెక్కడో లేదు. తానే బ్రహ్మమని బట్ట బయలుగా తెలుసుకోవాలి. తన్ను తాను తెలుసుకున్న వాడే బ్రహ్మం.

4. నొసలు బత్తుడయ్యె నోరు తోడేలయ్యె,
మనసు భూతమట్లు మలయగాను
శివుని గొల్తు ననగ సిగ్గెట్టు రాదురా,
విశ్వదాభిరామ వినురవేమ

భావం - నోరు తోడేలు లాగా, మనస్సును భూతం లాగా ఉంచుకొని నుదుట విభూది ధరించి శివున్ని కొలుస్తున్నానని అనడానికి సిగ్గులేదా?   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.

గమనిక - పైన ఉన్న "శ్రీ రామ రక్ష" పిక్చరు ను స్టికర్ గా, ఇంటి గుమ్మం తలుపు మీద, ఫ్రిడ్జ్ మీద, పూజ గది లో, ఇంటిలో కనపడే చోట, వాహనము మీద రక్షణ లేదా గుర్తు(స్మరణ) గా వీలైతే ఉపయోగించుకోవచ్చు.