1 min read time.

పాత్రత సంపాదించుకొని, మన ఇంటి పక్కన, ఏ గుడి కి వెళ్ళినా లేదా పుణ్య క్షేత్రం వెళ్లి నా, మనకు అక్కడ విగ్రహాలు కనపడవు, మన ఆత్మ బంధువులు కనపడతారు.

ఆప్యాయంగా పలకరించి నవ్వుతూ, ఆహ్వనిస్తారు. ఆత్మ పరమాత్మ తో, తన్మయత్వంలో ఊసులు బాసలు మనోభావాలు, మాట్లాడుతూ ఉంటుంది. డబ్బులు ఇచ్చిన అర్చన అవసరం లేదు, మనసు తోనే పూజ, మనసే భగవంతునికి కావల్సిన నైవేద్యం.

ప్రతి శనివారం మా ఊరు గుడి కి వెళితే, బాబా నవ్వుతూ అంటారు, ఏరా మనవడా నీ బండ గొంతు తో, చెవులు అదరగొట్టి, అప్పుడే వారం అయిందా? నమ్మలేక పోతున్నా. కానీ, అందుకో కాకడ ఆరతి, నీ సొంత ఆదితాళం శ్రీ రాగంలో.

అది అయ్యాక ఆ పక్క కు వెళితే, వెంకన్న, మాయమ్మ లక్ష్మీ తో, వాడిని ఆ ప్రదక్షిణలు తిరగడం మానేసి, ఏం కావాలో అడుగమను. అంత కష్టం ఎందుకు, అమ్మవు కదా నువ్వు, నీ మాట వింటాడేమో, అడుగు. ఏమి అడగకుండా, ఏమి చెయ్యాలి వాడికి.

అమ్మలు గన్న అమ్మ నవ్వుతూ, వాళ్ళ అమ్మ లో ఉంది నేను కాదా? ఆమే, వాడి ప్రారబ్ధ కర్మఫలితం తగ్గడానికి చేయిస్తూ ఉంటే, దగ్గర ఉండి మరీ, నేనెలా ఆపుతాను.

పూర్వ కర్మ తర్వాత అయినా తీర్చుకోవాలి కదా? రామావతారం లో తప్పు, మీరు కృష్ణా వతారంలో తీర్చుకోలేదా? అంటే, ఆ దయగల తండ్రి గమ్ముగా ఉన్నారు, భార్య మాటకు ఎదురు చెప్పిన, ఏం జరుగుతుందో ఆయనకూ తెలుసు.

ఆ పక్కన సీతా లక్ష్మణ సమేత రామయ్య, పర్లేదు, కష్టాలు పడు, కన్న తల్లి తో కలసి, వనవాసం లో నాకూ తప్పలేదు కదా, అని మందహాసం హనుమంతునితో కలసి.

ఇంకో వైపు కృష్ణయ్య, తప్పదురా గత కర్మ. ఎంతో మంది రాక్షసులు తో, కౌరవుల తో నేనెన్ని పాట్లు పడ్డాను. గోవర్ధనం ఎత్తి, చూడు నా వేలు ఎలా కందిపోయిందో? అందుకే అన్న గారింటికి వచ్చాను, బలరామ సుభద్ర లను చూద్దాం అని, ఆ నల్లనయ్య నవ్వు లు.

ఆ పక్కన గరళం తాగిన నీలకంఠుడు, తప్పదు రా నాయనా కష్టాలు, నా గొంతు చూడు ఎంత మంటగా ఉందో? పైన గంగ, పక్కన భవానీ, మాట కూడా చాలా కష్టం. నీ పని హయిరా, అదే సుఖం సంతోషం. సాంబయ్య తండ్రి, నీ చల్లని చూపు ఉంటే చాలు తండ్రి, అంటూ నడక నవ గ్రహాల దగ్గరకు.

కన్న తల్లి తో కలసి ఇన్నాళ్లు, మా చుట్టూ, చేయి పట్టుకుని నడిపించావు. ఏలి నాటి శని దేవుడు ఉన్నా కూడా, బుధుడు గురువు నీ వాక్ స్ధానంలో ఉండి, చాలా సమస్యలు తప్పించారు. అయినా జాగ్రత్తగా ఉండాలి, కలి పురుషుడు కాచుకుని ఉన్నారు, ఏమాత్రం ఏమరుపాటు జరిగినా, ఆవహించి ఇబ్బందులు పెడతానికి అంటుంటే, కళ్లు వెంట జలధారలు కారుతుంటాయి.

ఇప్పుడు చెప్పండి, నేను ఒంటరి నా? ఇంతమంది ఆత్మ బంధువులు నాకు తోడుగా, ఏ ఊరు ఏ రాష్ట్రం ఏ దేశం వెళ్ళినా, వారు లేనిదెక్కడ? నారాయణా, మీరు లేని స్ధానమెక్కడ? ఇందు లేడు అందులేడని సందేహము వలదు, ఎందెందు వెతికినా కలడు, ఆ హరి హరుడే.

దేవాలయం దాటి బయటకు వస్తే ఎటూ, నర నారాయణులు మీరంతా, అండగా ఉన్నారు. జగమంత కుటుంబం నాది, మనది, మనందరిది.

మానవ సేవ యే మాధవ సేవ. రాముడు కృష్ణుడు నారాయణుడు కూడా, రాక్షసులను చంపి మేలు చేసింది, అన్ని జీవ రాశులకే ముఖ్యముగా మానవులకు.

మంచి సాత్విక గుణం కల, అమ్మ నాన్న లో లేని దైవం ఎక్కడా లేదు. మన చుట్టూ ఉంది కూడా, నర నారాయణులు, ఇన్ని కోట్ల జీవాలలో, మరువద్దు.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.