2 min read time.

ఉదాహరణకు కిరణ్ / కిరణ్మయి లాంటి ఓ ఉద్యోగి, బతుకు తెరువు కోసం ఉద్యోగం, హైదరాబాద్ బెంగళూరు ఢిల్లీ లేదా విదేశాల్లో ఎక్కడ పని చేసినా, కామన్ గా చేసే పని, తమ కుటుంబ అవసరాలకు, తల్లి దండ్రు లను ఆ ప్రాంతం తీసుకుని వెళ్లి, ఇంట్లో పనులు, పిల్లల పనులు చేయించుకోవడం, సర్వ సాధారణంగా జరుగుతూనే ఉంది.

తల్లి దండ్రులు ఇద్దరు నూ తీసుకుని వెళితే, ఎంత ఉచిత గా ఊడిగం చేయించుకున్నా కూడా, కనీసం ఆ పెద్దలు భార్యా భర్త ఒక చోట ఆనందముగా ఉంటారు. 50 ఏళ్ల దాకా, విడి విడిగా వెళ్ళినా, వారి మనసుకు కు పెద్ద బాధగా కష్టముగా ఉండకపోవచ్చు.

కానీ 50 లేదా 60 ఏళ్ళ తర్వాత, శక్తి సన్నగిల్లిపోతుంది కదా, వారికి ఇతరులు సేవ చేయాలి, విశ్రాంతి కావాలి. కానీ పిల్లలు వారిని, దూరంగా ఇష్టం లేని వారి దగ్గర విసిరేసి, ధనం విదిలించి, చేతులు దులుపుకొంటున్నారు. ఇది అందరికీ తెలిసిందే.

కానీ ఇంకా విచిత్ర మైన పిల్లలు ఉన్నారు, వారికి వారి స్వార్థం వారి అవసరాలు తప్ప, తల్లి దండ్రులు క్షేమం, వారి ఆనందము పట్టదు. వీరు 50 ఏళ్ళు దాటిన తల్లి దండ్రులు ను కూడా, కలసి జీవించకుండా విడతీసి, అందులో ఒకరు ని తమ పనులు కు సేవకులు గా వాడుకోవడం కోసం, తెచ్చుకోవడం కూడా జరుగుతుంది.

అంటే 50 ఏళ్ళ దాకా, వారి చెమట రక్తం తాగి పెరిగిన కఠిన మనసులు, ఆ తర్వాత కూడా ముదుసలి జంటను, ఓ చోట కలిపి ఉంచకుండా, తమ స్వార్ధం కోసం విడదీసి, వారికి మనశ్శాంతి లేకుండా చేస్తున్నాయి. వారి బతుకు కూడా, వారిని ప్రశాంతంగా బతకనివ్వడం లేదు.

నిన్న ఎక్కడో వార్త వచ్చింది. విదేశాల్లో ఉన్న కూతురు రమ్మని పోరుపెడుతుంటే, తెలుగు రాష్ట్రం లో ఉన్న వారి తల్లి దండ్రులు తగవు మొదలు పెట్టారు. నన్ను విడిచి వెళ్ళ వద్దని భర్త, చాలా రోజులు అయ్యింది పిల్ల దగ్గరకు వెళతాను అని భార్య, వాదు లాడుకుని, ఆవేశాలు పెంచుకున్నారు.

ఇది సహించలేని భర్త, ఎంతకూ ఆమె మాట వినకుండా, టికెట్లు బుక్ చేసుకుని ప్రయాణం కు సిద్దమైనందువలన, ఆమె ప్రాణాలు తీసి, తనూ ప్రాణాలు తీసుకోబోయారు, అని సమాచారం.

ఆ తల్లి, ఈ కరోనా కష్ట సమయంలో భర్త ని ఒంటరిగా వదిలి, ఎందుకు దూరముగా పోవాలి? ఆ కూతురు, పదేళ్ల తర్వాత, ఒక్క అమ్మ నే ఎందుకు పిలవాలి? ఇద్దరూ రండి నెలకైనా లేదా మేమే వస్తామని చెప్పవచ్చు, గొడవలు వద్దు అని చెప్పవచ్చు. పెళ్ళైన పిల్లలు అయినా, తల్లి దండ్రులు ఒకచోట ఉండాలి అని కోరుకోవాలి, చివర రోజుల లో.

ఇంకెన్ని విశేషాలు వింతలు ఘోరాలు వినాల్సి ఉంటుందో భగవంతుడా, రాబోయే రోజుల్లో..

vaarta - ఖమ్మం జిల్లా, తల్లాడ మండలం, రంగంబంజరలో బుధవారం జరిగింది. link.

చిన్న కుమార్తె అమెరికాలో సాఫ్ట్‌వేర్‌ ఇంజనీర్‌. కూతురును చూసేందుకు 10 ఏళ్ళ క్రితం దంపతులిద్దరూ, అమెరికా వెళ్లి వచ్చారు. మళ్లీ రమ్మని కూతురు, ఇటీవల ఫోన్‌ చేసింది. కూతురిని చూడాలని, వెళదామని భార్య చెప్పగా, భర్త అందుకు నిరాకరించారు. అయినా, ఈ నెల 15 న అమెరికా వెళ్లేందుకు ఆమె టికెట్‌ బుక్‌ చేసుకుంది.

ఈ విషయమై 3 రోజులుగా, ఇద్దరూ గొడవ పడుతున్నారు. భార్య తన మాట వినడం లేదని, రగిలిపోతున్న భర్త, ఆమెను హత్య చేసారు. అనంతరం తాను పురుగుల మందు తాగి, ఆత్మహత్య చేసుకున్నాడు.

ఉదయం 7 గంటల సమయంలో, పాలు పోసేందుకు వెళ్ళిన వారు, ఇద్దరినీ పిలవగా, ఎవరూ పలకలేదు. అనుమానంతో ఇంట్లోకి వెళ్లి చూడగా, భర్త నోట్లో నుంచి నురుగు రావడం, భార్య రూమ్‌లో పడిపోయి ఉడంటాన్ని చూసి, ఇరుగుపొరుగు వారిని పిలిచాడు.

కొన ఊపిరితో ఉన్న భర్త ను, 108 వాహనంలో కల్లూరు ఆస్పత్రికి తరలిస్తుండగా, మార్గమధ్యలో ప్రాణాలొదిలాడు.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.