చివరలో ఉన్న చిత్రం/ వీడియో/ ఆడియో మరువద్దు. 1 min read time.

Song Spirit - Palletoori Pillagaada Pasalagaase Monagaada - Maa Bhoomi - Gaddar, B.Narsing Rao, Sai Chand, Rami Reddy, Shakuntala
*పాటతో పరమార్ధం - పల్లెటూరీ పిల్లగాడా, పశులగాసే మొనగాడ - మా భూమి - యాదగిరి, గద్దర్, నర్సింగ్ రావు, సాయి చంద్, రామి రెడ్డి, శకుంతల*

- మన గాత్ర నైవేద్య సేవ Our Gatra Naivedya Seva
- మన వ్రాత నైవేద్య సేవ Our Writing Naivedya Seva

+ + +

గద్దర్ అన్న కు నివాళులు అర్పిస్తూ (74 ఏళ్ళు, ఆగస్ట్ 6 2023), మీరు మాటలలో కాకుండా, పాటలలో రాతలలో మాటలలో ఆనాటి తెలంగాణా లో నిజాం పాలాన అరాచకాలను ప్రజల కష్టాలను 10 మందికి తెలియచెప్తారు కదూ? ఎందుకంటే వారి వారసులకు సలాం కొడుతున్నారు, మనలో చాలా మంది తమ అవసరం అవకాశం కోసం, అరిషడ్వర్గ అష్టవ్యసన బానిసత్వం లో మునికి, ప్రాపంచిక బ్రమలులో ఊగిసలాడుతూ.

చిన్నపిల్లలను పనిలో పెట్టుకుని, తక్కువ జీతాలు ఇస్తూ, అరకొర తిండి పెడుతూ, వారితో వెట్టి చాకిరీ చేయించుకునే జనాన్ని మన చుట్టూ చూస్తున్నాం నేటికీ. ఎందుకంటే, ముదుసలి అమ్మ నాన్న కే అన్నం పెట్టని వారు, దూరంగా ఉంచే వారు, బయటి పని పిల్లలకు కడుపునిండా తిండి పెడతారా, నిద్ర పోనిస్తారా? అదే ఈ పాటలో, తెలంగాణా యాసలో చెప్పారు.

గొడ్ల చావడిలో ఓ పిల్లాడు పని చేస్తూ ఉంటాడు. ఓ పల్లెటూరీ పిల్లగాడా, పశులగాసే మొనగాడ, మంచి తెల్లని పాలు మరచీ, ఎన్నాల్లయ్యిందో? ఓ పాలబుగ్గలా జీతగాడా, ఈ భూస్వామి కింద కొలువు కుదిరీ, ఎన్నాల్లయ్యిందో.

కాళ్ళకు చెప్పులు కూడా లేకుండా, ఏదో దొరికిన దానిని అడ్డం పెట్టుకుని, కాలి బాట కూడా లేకుండా, అలా నడక దారిలో గడ్డిలో రాళ్ళలో ముళ్ళలో నడుచుకుంటూ వెళుతున్నావా, ఓ చేతి కర్ర తోడుతో అని బాధగా అడుగుతున్నారు.

మన పశువుల గుంపు తరలే ఆ వంపు లోకి, కాపలా కూరుచున్నవు ఆ గట్టు/ దిబ్బ మీద. ఆ పశువుల దొడ్డికే నీవు, దొరవై పోయావా? ఓ పాలబుగ్గలా జీతగాడా, మన మందలో మన పొలంలో మన దొడ్డిలో కలిసే మేసే దొంగ గొడ్ల నడ్డగించేవా?

ఆసామి పెట్టే కష్టాలకు, నీ కళ్ళలో కాలువై కన్నీరు గారా, కల్ల పై రెండు చేతులాడ, వెక్కి వెక్కి ఏడ్చెద వదియేలా? ఓ పాలబుగ్గలా జీతగాడా, నీను ఎవ్వరేమన్నారో చెప్పేవా మాకు గుండెల్లో బాధ భారం దించుకునేందుకు.

మనవో బయటవో, మాయదారి ఆవుదూడలు, మాటి మాటికి ఎనుగుదుమికి, పంటకు వచ్చిన, పంట చేను పాడు చేసాయా. మరి అది చూసి కోపగించిన కాపు, ఓ పాలబుగ్గలా జీతగాడా, పాలికాపూ నిన్నే గొట్టాడా. ఇలా సాగుతుంది పాట, మీరూ పాడి పంపుతారు కదూ.

+ + +

పల్లెటూరీ పిల్లగా.డా, పశులగాసే మొనగా.డ 2
పాలు మరచీ, ఎన్నాల్లయ్యిందో ., ఓ..పాలబుగ్గలా జీతగాడా..
కొలువు కుదిరీ, ఎన్నాల్లయ్యిందో.

చాలి చాలని చింపులంగీ చల్లగాలికి సగము ఖాళీ..2
గోనె చింపూ కొప్పెర పెట్టావా...
ఓ.. పాలబుగ్గలా జీతగాడా..దాని చిల్లులెన్నో లెక్కాబెట్టేవా..

తాటి గెగ్గలా కాలి జోడూ, తప్పటడుగుల నడక తీరు 2
బాట తో పని లేకుంటయ్యిందా...
ఓ.. పాలబుగ్గలా జీతగాడా..చేతికర్రే తోడైపోయిందా..

గుంపు తరలే వంపు లోకి, కూరుచున్నవు గుండు మీద..2
దొడ్డికే నీవు, దొరవై పోయావా.
ఓ.. పాలబుగ్గలా జీతగాడా., దొంగ గొడ్ల నడ్డగించేవా...

కాలువై కన్నీరు గారా., కల్ల పై రెండు చేతులాడ.2
వెక్కి వెక్కి ఏడ్చెద వదియేలా
ఓ.. పాలబుగ్గలా జీతగాడా..ఎవ్వరేమన్నారో చెప్పేవా..

మాయదారి ఆవుదూడలు మాటి మాటికి ఎనుగుదుమికి 2
పంట చేను పాడు చేసాయా
ఓ.. పాలబుగ్గలా జీతగాడా..పాలికాపూ నిన్నే గొట్టాడా..

నీకు జీతము నెలకు కుంచము, తాలు వడిపిలి కల్తి గాసము2
కొలువగ శేరు, తక్కువ వచ్చాయా.
ఓ.. పాలబుగ్గలా జీతగాడా, తల్చుకుంటే దుఖం వచ్చిందా

పల్లెటూరీ పిల్లగాడా !! పశులగాసే మొనగాడ !! 2
పాలు మరచీ ఎన్నాల్లయ్యిందో ..
ఓ..పాలబుగ్గలా జీతగాడా., కొలువు కుదిరీ ఎన్నాల్లయ్యిందో.3

చిత్రం : మా భూమి (1980); సంగీతం : వింజమూరి సీత, గౌతం ఘోష్; రచన : సుద్దాల హనుమంతు; గానం : సంధ్య   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.