1 min read time.

ఎన్నారై ల గురించి ఏదో వాట్సప్ మెసేజ్ తిరుగుతూ ఉంది. అన్నింటికీ ఫారిన్ కావాలి, రోగం వస్తే ఇండియా కావాలి వైద్యం కోసం అని. తప్పు ఆ మాట, ఎవరో తెలివి తక్కువ మాట చెప్పితే, మూర్కంగా మనం ఫార్వార్డ్ చేయకూడదు. మన పిల్లలు, విదేశం ఛాన్స్ వస్తే వెళ్ళరా? వెళటానికి ప్రయత్నం చేసి, ఆగిన వాళ్ళు మనకు తెలుసా, మన బజారు లో?

మరి ఆ మాట మన ఊళ్ళో ఉన్న కోటీశ్వరులు ను రాజకీయ నాయకుల ను అడుగుతామా? వైద్యం కోసం ఫారిన్ ఎందుకు వెళ్ళారు అని? మన దేశ డాక్టర్ పనికి రారా? విదేశాల్లో తమ పిల్లల కు పిల్లలు పుడితే, ఊడిగం కు లేదా విసిటింగ్ కు ఎందుకు ఫారిన్ వెళ్ళారు అని, మన ఇంటి పక్కన వాళ్ళను అడగ గలమా?

మన అబ్బాయి హైదరాబాద్, వైజాగ్, లేదా బెంగుళూరు లో ఉద్యోగం చేస్తూ అక్కడే పిల్లల ను చదివిస్తూ, సినిమాలు, షికార్లు కు అక్కడే ఖర్చు చేస్తూ ఉంటే, మన పుట్టిన ఊరికి ఏం లాభం ఉంది, ఆలోచించారా? ఎప్పుడు అయినా అడిగామా వారిని? ఇప్పుడు వైరస్ వచ్చింది అని, వరంగల్ లేదా వైజాగ్ నుంచి వారి కుటుంబం, వారి సొంత ఊరు రాకూడదా? వారికి ఎన్నారై కి తేడా ఏమిటి?

ఊళ్ళో లేదా దేశంలో ఉండి, తల్లి దండ్రులు ను, పుట్టిన ఊరు ను, గాలికి వదిలేసిన వారు లేరా? సొంత పిల్లల కు, సొంత ఊళ్ళో చదువు వదిలేసి, దూరంగా హస్టల్ లో వేసి, ఆ ఊరు హస్టల్ కు డబ్బు కట్టే మనం, ఇలా అనవచ్చు నా? తప్పులు పడితే, మన బతుకు, ప్రతి అడుగు లో తప్పే ఉంటుంది.

వైద్యం లేదా చదువు కోసం, మన ఊరి డాక్టర్ ను నమ్మక, గుంటూరు హైదరాబాద్ వైజాగ్ చెన్నై ఎందుకు వెళుతున్నాము? ఎందుకంటే మనం స్వార్థ పరులం, మన ఊరు లేదా మన డాక్టర్ ముఖ్యం కాదు? మన అవసరమే మన భయమే ముఖ్యం.

ఎన్నారై లు సొంత ఊళ్ళో ఖర్చు పెట్టేది కూడా, మీకు లెక్కలు చెప్పాను ఇంతకు ముందు రాసిన వాటిలో. అక్కడ ఉండే (స్వదేశం) వాళ్ళ కన్నా, ఎన్నారై ల తో దేశానికి లాభం అని కూడా లెక్కలు చెప్పాను గతములో.

మన ఊరు అబ్బాయి వైజాగ్, బెంగుళూరు, చెన్నై లేదా హైదరాబాద్ లో ఉండటం వలన, మన ఊరు కు రూపాయి లాభం ఉందా? టాక్స్ లు జల్సా లు ఖర్చు లు అక్కడే పెడతారు కదా? విదేశాల్లో సంపాదించి, విదేశాల్లో మరియు స్వదేశంలో కూడా ఖర్చు పెట్టే, ఎన్నారై మన కన్నా తక్కువ ఎందుకు అవుతారు?

ఒకవేళ అది తప్పు అయితే, వైజాగ్ లో మన పిల్లలు చదువు లేదా ఉద్యోగం చేసేది, సొంత కన్న ఊరుని వదిలి, ఇంకా పెద్ద తప్పు కాదనగలమా?

అదే ఒక ఎన్నారై మన ఊరు నుంచి విదేశం లో ఉండటం వలన, తక్కువ లో తక్కువగా, లక్ష రూపాయలు లాభం ఉంటుంది మన ఊరు కు. అలాగే రాష్ట్రం కు, దేశం కు లాభం ఉంది, వారి విదేశీ మారక ద్రవ్యం తో, గతంలో పంపాను వివరాలు కూడా. పుట్టిన ఊరుకు రావద్దని అనే హక్కు ఎవరికీ లేదు కదా? అన్ని తెలిసిన ప్రభుత్వ మే, రా రామ్మని ఆహ్వానం పలుకుతుంటే, ఎవరో అజ్ఞాన మాటలు కు, విలువ ఉపయోగం ఉందా?

తెలియని వారు ఏదో అంటారు. ఊళ్ళో ని కొడుకే లేదా కూతురే, తమ తల్లి దండ్రులు ను వదలి, వీళ్లంతా అనవసరం వేస్ట్ అంటున్నారు, ముదుసలి వయసు లో. అంత మాత్రం నే విలువ లేక పోతుందా? పిల్లల మాట నిజం అవుతుందా? అది నిజం అనేవారు 70 శాతం ఉంటే మాత్రం, అంటే మాత్రం, పేరెంట్స్ విలువ తగ్గదు కదా.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.