1 నిమిష చదువు సమయం.

గూగుల్ ఇండిక్ కీబోర్డ్ (Google Indic Keyboard) అని భారత భాషలు రాసే యాప్ ఉంటుంది. తెలిస్తే మనమే చేయవచ్చు. లేదంటే ఓ పాతిక తీసుకుని మొబైల్ షాప్ వారు చేస్తారు మన మొబైల్ ఫోన్ లో అంటే చరవాణి లో.

మొదట టైపు నేర్చుకున్న విధంగా ఒక్కొక్కటిగా నొక్కాలి అక్షరాలు, కొంచెము లేటు పడుతుంది. అలా ఓ పది రోజులు ప్రయత్నించి అలవాటు పడిన, ఇలాగే తెలుగు వాక్యాలు తో, సరదాగా ఎదుటి వారి తలలు తినవచ్చు లేదా మన తెలుగు తల్లి ని గుర్తు చేయవచ్చు.

కంప్యూటర్ ఉన్న వారు లేఖిని.కామ్(lekhini) వెబ్సైట్ లో తెలుగు టైపు చేసి, వాట్సాప్ వెబ్ లో నుంచి కాపీ చేయవచ్చు, ఆ తర్వాత తెలిసిన వారికి పంపవచ్చు.

మన మాత్రుభాష తెలుగు ఉండాలి, దేవుని మంత్రాలు స్పష్టం గా ఉచ్చరించి చదవ గలగాలి. అవి దేవుని కోసం కాదు, అవి మన ఆరోగ్య రహస్యం. నాభి నుంచి తెలుగు సంస్క్రుత అక్షరాలు పలుకుతాయి. దేశ భాష లందు తెలుగు లెస్స అని విన్నాము కదా, 56 అక్షరాలు, కొన్ని మింగేశాము ఎప్పుడో. మిగిలిన వాటిని అన్నా బతికిద్దాము.

విదేశాల్లో ఉన్నవారు ఎటూ కష్టం, మాట్లాడగలిగినా రాయలేరు. స్వదేశం లో ఉన్న వారు కి కూడా తెలుగు నచ్చడం లేదు పలకడం లేదు, సగం ఆంగ్లంలో నే ఉంటుంది. లేకపోతే నామోషి.

విదేశాలకు వచ్చి ఐదేళ్లు దాటినవారు లేదా స్వదేశములోనే పెద్ద నగరాలలో ని వారు, తెలుగు వారికి వాట్సాప్ ఫేస్బుక్ ట్విట్టర్ సందేశము తెలుగు లో రాస్తున్నారా? తెలుగు రాసే ప్రయత్నం చేశామా, చేపిస్తున్నామా? మన పిల్లల కు, తెలుగు నోట్లో వచ్చే మో కానీ, రాయడం రాదు. మనము తీరికతో నేర్పుతామా? వారు నేర్చుకుంటారా?

ఒకవేళ రాయడం, మాటలూ వచ్చినా కూడా, ఏదో అద్దె కొత్త భాష మాట్లాడుతూ ఉన్నట్టు ఉంటుందే గాని, చలోక్తులతో సరసమైన సరళ భాష వారికి కష్టము, మన బట్లర్ ఆంగ్లము లాగా ఉంటుంది. ఏరు దాటాక తెప్ప తగలేయడం మన రక్తం లోనే ఉంది అంటారా - బాష , భూమి , తల్లి దండ్రులు, ఇంకేదైనా.

ఇద్దరు తెలుగు వారు అంతరిక్షంలో ఒంటరిగా తప్పిపోయినా కూడా, అక్కడ ఆంగ్లంలో నే మాట్లాడుతూ ఉంటారు. చచ్చినా తెలుగు లో మాట్లాడరు.

అదే తమిళం , కన్నడ, మరాఠీ, బెంగాలీ, జర్మనీ, స్పానిష్, చైనీస్ వారు సొంత భాషా ప్రేమికులు, కృతజ్ఞత ఉన్నవారు. మైక్రోసాఫ్ట్ అన్ని యూరొపియన్ భాషలలో సాఫ్ట్ వేర్ విడుదల చేస్తుంది.

మనం పుట్టిన పిల్లల కే కృతఘ్నత నేర్పుతాము, మన ఇంటికి తాత నానమ్మ ను దూరంగా ఉంచి. లేదా ఉద్యోగం కోసం, పసి పిల్లల ను నిర్దయ గా వేరు చేస్తాం. అవీ మన కృతజ్ఞతలు మన పిల్లలు, పెద్దలు, భాషతో. ఏరు దాటాక తెప్ప తగలేయడం అన్నది తెలుగు వారికి సరిగ్గా సరిపోతుంది.

మన భాషను కాపాడుకుందాం, మన ఆరోగ్యం కోసమన్నా.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.