1 min read time.

బలంతో ఇతరుల ను గెలవడం చాలా తేలిక, చాలా మందికి. అది భుజ బలం, అర్థ అంటే ధన బలం, అంగ అంటే మంది బలం, నోటి బలం, ఏదైనా కానీ.

కానీ మంచిగుణం తో ఇతరులను గెలవడం చాలా కష్టం. అయినా కానీ, మనశ్శాంతి ఇస్తుంది, ఫలితాలు చిన్నగా వస్తాయి లేటుగా అయినా, మన చేతికి మట్టి అంటకుండా నే.

ధర్మరాజు గుణం గెలిచింది చివరకు అవమానాల తర్వాత, ధుర్యోధనుడి సంపద, బలము, బలగము ఓడిపోయినది.

నల్లనయ్య శ్రీ కృష్ణుడు కూడా శక్తి వాడలేదు, మాటలతోనే అక్కడి దాకా తెచ్చి, చావు ముందు నిలబెట్టాడు.

కాలం, తన పని తాను చేసింది, ఎవరితో ఏది చేయించాలో అది చేపించింది.

ఈరోజు బలం ఉందని మనం ఉపయోగిస్తే, రేపు అవతలి వాళ్ళు ఉపయోగిస్తారు. తాడి ఎక్కేవాడు ఉంటే, తలదన్నే వారూ ఉంటారు. కాబట్టి, ఇది తప్పు దోవ.

ఈరోజు వెంటనే పని జరిగినా, రేపు దాని ఫలితం మనకూ అంటుకుంటుంది. వాళ్ళ కన్నీళ్ళు, రాబోయే రోజుల్లో మనకూ కన్నీళ్ళు తెప్పిస్తాయి.

చూడండి, ఒకాయన వడ్డీ లు అసలు ఎగకొట్టి, కొడుకు పేరుతో వ్యాపారం పెట్టి, జనం కన్నీళ్ళు తో హయిగా స్నానం చేస్తున్నారు, గొంతు తడుపుకుంటున్నారు, కడుపు నింపుకుంటున్నారు అనుకుందాం.

మనం కేవలం గుణం తో, వారికి పలు విధాలుగా నచ్చ చెప్పి, వాస్తవం తెలియచెప్పి, జరగబోయే కాల అనర్ధాలను ఆపాలని, భగవంతుని ఆజ్ఞ తో ప్రయత్నం చేస్తున్నాము.

మంచి మాటలకు ఆ చెవులు అంగీకరించవు, జరగాల్సింది జరగాలని ఉంది కాబట్టి. ఎందుకంటే ఆ పాపం, వాళ్ళ ఇంట్లో వాళ్ళ ను, ఆస్తి వాడిన తరాలను కూడా వదలదు.

ఈరోజు ఎలా అయితే, ఆ కుటుంబం, జనం మాటలను లెక్క లేకుండా, ఎగతాళి గా తీసివేస్తూ గమ్ముగా ఉందో, ఆ ఇంట్లో జరగబోయే అనర్ధాలను కూడా, కాలం తో పాటు జనం గమ్ముగా చూస్తూ ఉంటారు. ఎందుకంటే వారి రాత, స్వయంగా వారు రాసుకుంటున్నారు గదా. భగవంతుని కి, మనకు, ఎవరకూ సంబంధం లేదు.

అలాగే ఇంకొకరినీ వేడుకుంటున్నాము, చెత్త తీయించి, గ్రామ జనాన్ని కాపాడు, అని అనుకుందాము. ఇక్కడ కూడా కేవలం గుణమే వాడుతున్నాము. పెద్దలును, వీధిలో ఉన్న విజ్ఞులను అర్ధించాము.

ఎవరు చెప్పినా వినలేదు, ఇప్పుడు ఫలితం ఉండకపోవచ్చు. తను హయిగా అవకాశవాద పీనాసితనం తో, తప్పులు కొనసాగిస్తూ, ఊళ్ళో జనం ఎలా పోతే ఏమని, ప్రశాంతంగా దూరంగా హాయిగా ఉన్నారు.

రేపు వారి బిడ్డ కో, అల్లుడి కో, మనవరాలి కో, ఏదో వ్యాధి పడితే, ఆసుపత్రి చుట్టు ఖర్చు తో తిరిగితే? రేపు పిల్లలు అందరూ అన్ని లాక్కుని వదిలేస్తే? ఇదే కాలం లేదా జనం, అప్పుడు అలాగే చూస్తూనే ఉంటారు.

ఎందుకంటే, ఆయన కుటుంబం రాత కూడా, ఆయన స్వహస్తాలతో తనే రాసుకున్నారు, ఎవరికీ సంబంధము లేదు. ఎవరో ఊరక అంటే జరుగవు కదా, మన కర్మ మన వెంట పడుతుంది.

ఇప్పుడు చెప్పండి ఈ రెండు ఉదాహరణ లో కేవలం గుణం వాడాము, బలం వాడాము అంతే నా? అలాగే, వారి రాబోయే రోజుల లేదా తరాల, కష్టాలు కన్నీళ్ళు రాతను గీతను, వారు రాసుకున్నారు, స్వయంగా.

ఫలితాలు ఆపలేము, అందుకే మంచి చెప్పి, వారికి దూరం గానే ఉండాలి. వారితో కలిస్తే, ఆ పాపం లో మనమూ భాగస్వాములం అవుతాము, శిక్ష కు పాత్రులం.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.