చివరలో ఉన్న చిత్రం/ వీడియో/ ఆడియో మరువద్దు. 1 min read time.

*అమ్మ కు జోల పాడే అవకాశం వచ్చిందా? పాడారా? కునుకు పడితె మనసు కాస్త,
పాడుతా తీయగా చల్లగా - మూగ మనసులు - అక్కినేని, జమున, సావిత్రి*

చిన్నప్పుడు మన అమ్మ జోల పాడటం, మనందరికీ తెలుసు. ఊహ వచ్చిన తర్వాత, ఇతరుల దగ్గర చూస్తామే కానీ, మనకు మన అమ్మ జోల పాడింది, దాదాపుగా గుర్తు ఉండదు. చాలామంది కి, ఆ జ్ఞాపకాలు కృతజ్ఞతలు కూడా ఉండవు, అది వేరే విషయం.

అప్పుడప్పుడు అమ్మ, గతం గుర్తు తెచ్చుకుని బాధ పడుతూ ఉంటుంది, నిద్ర పోకుండా. ఎంతమంది కి ఎన్ని చేసాము రెక్కలు ముక్కలు చేసుకుని, అందరూ అన్ని మరచి పోయారు అని. ఆఖరికి తోడబుట్టిన వాళ్ళ కు, కడుపు న పుట్టిన వాళ్ళ కు, ఇంట్లో 4 రోజులు ఉండి చేయించుకున్న వాళ్ళ కు కూడా, కాని దానిమి అయ్యాము. ఊళ్ళో చూసే దిక్కు లేక, ఎంత దూరం రావాల్సి వచ్చింది, అని ఒక్కోసారి నిద్ర పోదు.

అప్పుడు బుజ్జగించి, లాలించి చెపుతా. కొంత లేటు ఉన్నా, తర్వాత అదే వరుస లో వారూ ఉన్నారు, కర్మ ఎవరినీ వదలదు. వాళ్ళు వదలడం కూడా, దేవుడు నీకే మంచి చేశాడు, రేపొద్దున మన ఊరు వెళ్ళిపోయినా, 8 సంవత్సరాల ప్రపంచ అత్యుత్తమ వైద్యం, మనలాంటి మధ్య తరగతి ఇళ్ళు లో, ఇంటి పోరు లేకుండా, ఈ 77 ఏళ్ళ వయస్సు లో దొరకదు, అసంభవం. ఆ అదృష్టం నీకు మాత్రమే దక్కింది తల్లి, ఎన్ని జన్మల పుణ్యమో.

నీకు తోడుగా, నన్నే సేవకుడిగా పెట్టాడు కదా ఆ దేవుడు, దిగులెందుకు, ఎంతమందికి ఉంది ఈ అద్రుష్టం. హాయిగా నిద్ర పో, తెల్లారి 4.30 కి లేచి, ఆ దేవుని పూజతో బాధ పెట్టాలి, త్వరగా పడుకో, నా బంగారు తల్లి, ఏడిస్తే నీ కళ్ళు నీలాలు కారు, అని కాళ్ళు పడుతూ నచ్చ చెపుతా.

ఇక మన సంగతి ఆలోచనే చేయకు. ఆయన చేతిలో బంతిమి, ఎట్లా ఆడిస్తారో ఆయన ఇష్టం. జనం పొగడ్తలు తెగడ్తలు అన్ని ఆయనకే, అంతా క్రిష్ణార్పణం. ఇదంతా ఆయన ఇచ్చారు అడగకుండానే, ఆయనే వేగంగా వెనక్కు తీసుకుంటున్నారు, మనల్ని బంధ విముక్తులను చేయటానికి. మనం నిమిత్త మాత్రులం.

అని ఏవో మాటలు జోకులు చెప్పి నవ్విస్తూ, ఇదిగో ఈ పాట జోల పాటగా పాడుతూ, కన్నతల్లి ని నిద్ర పుచ్చుతూ ఉంటా, వారానికి కనీసం 2 సార్లు. మరి మీ అమ్మ కు కూడా, జోల పాడే అవకాశం వచ్చిందా? పాడారా? మీ మనసు బాధ ముచ్చట్లు ఇతరుల తో పంచుకోగలరు.

పాడుతా తీయగా చల్లగా...2
పసిపాపలా నిదురపో తల్లిగా...
బంగారు తల్లిగా...
పాడుతా తీయగా చల్లగా...

కునుకు పడితె మనసు కాస్త కుదుట పడతది
కుదుట పడ్డ మనసు తీపి కలలు కంటది - 2 సార్లు మొత్తము
కలలె మనకు మిగిలిపోవు కలిమి చివరకూ 2
ఆ కలిమి కూడ దోచుకునే దొరలు ఎందుకూ ?
పాడుతా తీయగా చల్లగా...

గుండే మంటలారిపే చన్నీళ్ళు కన్నీళ్ళు
ఉండమన్న ఉండవమ్మ చాన్నాళ్ళు - 2 సార్లు మొత్తము
పోయినోళ్ళు అందరూ మంచోళ్ళు.. 2
ఉన్నొళ్ళు పొయినోళ్ళ తీపి గురుతులు...
పాడుతా తీయగా చల్లగా...

మనిషిపోతే మాత్రమేమి మనసు ఉంటది
మనసుతోటి మనసెపుడో కలసిపొతదీ..- 2 సార్లు మొత్తము
చావుపుటక లేనిదమ్మ నేస్తమన్నదీ..2
జనమజనమకదిమరీ గట్టిపడతదీ.

పాడుతా తీయగా చల్లగా...
పసిపాపలా నిదురపో తల్లిగా...బంగారు తల్లిగా...
పాడుతా తీయగా చల్లగా

మనందరికీ చివరి రోజుల్లో తప్పనిసరి ఈ బాధలు. అందుకే, మనం ఆ తప్పు చేయకూడదు, అదే నరక యాతన పడకూడదు.

Paadutha Teeyaga Challaga, Movie: Mooga Manasulu (1964), Director: Adhurthi Subbha Rao, Cast: A.N.R, Jamuna, Savithri; Music: K.V.Mahadevan ఎ.ఎన్.ఆర్, జమున, సావిత్రి Ghantasala

మనము గాయకులము కాదు, అయినా, మీరూ పాడే ప్రయత్నం చేయాలి, శ్వాస వ్యాయామం కు, మనసు నియంత్రణకు, ఆరోగ్యం కు, వాక్సుద్ది కి, ఉచిత మనశ్శాంతికి.   Note : ఎవరు ఏ విషయాలు చెప్పినా, అది వారి వ్యక్తిగత అభిప్రాయమో లేక అనుభవమో లేక పెద్దల నుంచి విన్నవో. అందరూ ఏకీభవించాలని లేదు. మీ యోచనతో లేదా పెద్దల సలహాలతో, మంచి చెడు నిర్ణయించుకొనగలరు. Whatever you are reading here is their opinion or experience or heard from elders. Everyone may not agree. Please consult your elders and decide whether it is good or bad.
ఆత్మ వంచన కాపీ వద్దు, ఫార్వార్డ్ ముద్దు. స్వార్థం నిర్లక్ష్యం వదిలి, భారతీయ విలువల, మంచిని పంచిన పెంచిన పుణ్యం.
మా సామాజిక చైతన్య సమాచారం లో తప్పులు ఉంటే మన్నించి, బాధ్యత గల పౌరునిగా, మంచిని పెంచే, ఆదర్శ వ్యక్తి గా, సరిచేసి సూచించగలరు.
మాతృమూర్తి మాతృభాషను గౌరవించి, తెలుగు లో సొంతం గా 2 మాటలు రాయడం, కనీసం మమ్మల్ని తిట్టేందుకు అయినా. ధర్మాన్ని రక్షించిన, అది మనల్ని కాపాడుతుంది.